اهلًا ومرحبًا بالجميع ❤︎
موقع جولي شيك من اشهر المواقع الصينية عندنا وقد طلبت منه كثييير
تقريبًا جربت كُل شي عنده عدا الاجهزة الكهربائية ، احبه لان اشيائه جدًا متنوعة ، تجربتي ايجابية مع اشياء كثيررررة وهذا الي مخليني استمر بالشراء منه ☺︎ وراح اذكر لكم احلى الاشياء الي جربتها :
١- الشنط : جودة الجلد ممتاز ، طلبت كروس باق جلد اسود سادة لكن جودتها وتصميمها جدًا جميل وايضًا طلبت باك باق جلد احمر وماشاءالله كرفتها ومازالت جيدة .
٢-الأحذية والسليبرز : ايضًا جودتها ممتازة وخصوصًا السليبرز قطنية ومريحة واشكالها حلوة.
٣- الجوارب : جودتها ممممتازة واشكالها كيووت .
٤-ديكور المنزل : قسم كامل ديكور للمنزل جميل واشيائه بعضها فنتج حبيتها وحبيت اسعارها وجودتها بالغالب متوسطة .
رغم ايجابيتي مع الموقع لكن عندي كم مُلاحظة عليه :
١- الملابس : جودتها سيئة ابدًا ماحبيتها مهما كان سعرها غالي لان البعض يقول الملابس الي سعرها منخفض جودتها سيئة والي سعرها مرتفع جودتها ممتازة لكن جربت الاثنين وللامنة كلهم رديئة ، غسلتين وبتكون شبه معدومة :) ، وكمان الخياطة مش نظيفة خيوط طالعة ومثل الجاكيتات غير مُبطنة .
٢ـ الألعاب : بالنسبة للألعاب الموسيقية مو حلوة ، والي تصدر اصوات حروف وارقام بعضها تكون باللغة الصينية :) .
٣ـ اختيار اللون : للمنتجات الي تتوفر فيها خيار اختيار اللون يوصلك شي ثاني غير الي اخترتيه ، مثلًا اكواب ثلاث الوان ازرق ،اصفر ، وردي . واخترتي لون وردي يوصلك اصفر ☹.
٤ـحجم الشيء : اذ مو مذكور حجمه في صندوق الوصف الافضل تجنب شرائه غالبًا يكون نقطة ههههههههه مثل التحف .
٥- الارسال بشكل عشوائي : اذ منتج فيه هالخيار ابدًا لاتشتروا منه راح توصلك اسوأ شي .
ودحين يلا نبدأ بالمشتريات :
روب فلفي بنكي ☁ ههههههه يمديكم ع الوصف ، المهم حبيته مرة شكلو كيوت .
سليبر اخترت رمادي عشان يليق ع اغلب ملابس البيت والبجايم حبيت جودته ❤.
ايضًا سليبر آخر حبيت شكله ، بس يناسب للشتاء لان رجولي
تحتر مررة لما ألبسه .
تحتر مررة لما ألبسه .
الجوارب او الشراريب هههههه ، طولها يكون بنص الساق مرة حلوة للبيت .
وهذه احبها مع الفلات ولما اطلع ، جودتها ممتازة وماتضايق .
هِز يا وز هههههههه ، صراحة الاقي صعوبة بإيجاده
في اسواقنا واتفاجأت لما لقيته بالموقع على طوول أضفته للسلة ، صح شكله جميل لكن الشيفون خفيف فلما تتحمسي وتهزي يفك شوي .
استغربت لما جاني طلبي ياربي هذا ايش الي طلبته ☺ ، افتكرت انها الكورة السويدية للتمارين ، عجبتني انها كبيرة وجودتها بطلة .
القطعة السيلكون هذه احبها لتنظيف فرش المكياج تنظفها تمام✓ .
هيد باند وقت العناية بالبشرة ❤
مرررة حبيت هالقطعة ❤، طقم للماسكات وحوستها .
هذه للايفون تتربط على يدك وقت الرياضة ، حبيتها من لما اشتريتها ماوقفت استخدامها❤ .
كفرات للجوال اشكالها توووونسس ❤.
كفر للتصوير تحت الموية ، ماجربته ☹ .
قسم القرطاسية متنوع عندهم .
نوتات ملاحظة .
الاقلام . حبيت الاثنين الي باليسار، اما اليمين ابدًا بشعيين ☹ ، وهذه خيار ارسال بشكل عشوائى عشان كذا مااحبه .
وبكذا اكون انتهيت من تدوينتي ان شاءالله تكونوا استفدتوا ❤︎
